Die geskiedenis van amper alles Suid-Afrikaans.

Jan Smuts is op 24 Mei 1870 op Bovenplaats naby Riebeek-Wes gebore as die tweede kind van Jacobus Smuts en Catharina de Vries. In 1887 het hy met lof gematrikuleer aan die Victoria Kollege, Stellenbosch en in 1981 het hy die gekombineerde letterkunde-en-wetenskap-graadeksamen met lof geslaag aan die Universiteit van die Kaap die Goeie Hoop. In 1894 is Smuts na Cambridge, Engeland waar hy die topregstudent in sy klas was.

Met sy bruid, Isie Krige, het hy homself in 1897 in Johannesburg gevestig. As regsadviseur vir die Uitvoerende Raad van die Transvaalse Republiek, het hy 'n groot aandeel gehad in die voer van die vooroorlogse samesprekings met die Britse regering.

Jan Christiaan Smuts was een van Suid-Afrika se mees bekende en invloedryke staatsmanne. Hy was Eerste Minister van die Unie van Suid-Afrika van 1919 tot 1924 as leier van die Suid-Afrikaanse Party en weer van 1939 tot 1948 as leier van die Verenigde Party. In hierdie hoedanigheid het hy Suid-Afrikaanse politiek gevorm, versoening tussen Afrikaanse en Engelse gemeenskappe voorgestaan, 'n belangrike politieke figuur geword wat vriende geword het met ander staatsmanne soos Winston Churchill en'n rol gespeel in die stigting in die Volkebond en Verenigde Nasies.

Deur sy loopbaan was Smuts die ontvanger van verskeie eretekens, eerbewyse en toekennings. Hy het dié wat hy later in sy lewe ontvang het - die Orde van Verdienstelikheid (1947), Die Regsdoktoraat van die Universiteit van Leyden (1948) en die Kanselierskap van Cambridge, veral van waarde geag.

Verwysings